Heri vespere io ha vidite le film plus estranie in mi vita: Naisu no mori: The First Contact. Illo es un film japonese, que non pote esser classificate in ulle genere cinematographic; illo es un collection de curte historiettas (non sempre sensate), que con le developpamento del film deveni in alicun modo relate — ma non bastante pro dar lo un senso. Alicun del historiettas es normal, realistic; alteres es completemente absurde, e involve creaturas phantastic realisate in computer graphics que pare vermente real. Il es impossibile pro me narrar super iste film, e le unic ration pro le qual io ha scribite iste entrata es pro stimular vostre interesse — ma obviemente necuno lo reguardara, a minus que ille veni in Finlandia pro vider lo. ;-)

E ben, si! Finalmente io ha devenite un celebritate in tote le Finlandia, justo 20 minutas retro! YLE – TV2, un del principal canal televisive finnese, monstrava un servicio integremente dedicate a JollyDragon e pro alicun secondos io etiam appareva in illo. Le filmato es disponibile in Google video, ma solmente mi amicos qui es presente in le video es authorisate a vider lo. ;-)

E in un magazin de Oulu, Äijä, il ha un articulo super JollyDragon con photos de un Weekly Welcome e un breve intervista a Zeeshan e a me. Infortunatemente io non ha un copia de iste magazin, ma spera que tosto le articulo sera disponibile in le sito internet de Jollydragon.

Finalmente io ha trovate un companion de appartamento! Heri io recipeva un e-mail que informava super le possibilitate de prender in proba alicun apparatos electronic, a scopo de studio. Si, studio! Io ha examinate le varie possibilitates, e ha decidite que le objecto de studio plus interessante pro me es le Nintendo DS Lite. Io non sape pro quante tempore io pote usar lo — e non mesmo sape que io deberea facer con illo. Infortunatemente il non ha jocos, le unic cassetta disponibile es illo del navigator Opera (le DS ha un systema de connection Wi-Fi) ma illo es in lingua japonese e io non ha succedite a configurar le accesso al rete. Deman io probara in officio, ma in omne caso le cosa plus importante es que Andreea (99% del lectores pensara que isto esseva un error de dactylographia) sembla disonibile a prestar me alicun joco. Ah, le importantia del amicos... ;-)

                            ELECTRONIC TICKET

                       PASSENGER ITINERARY RECEIPT



 EBOOKERS FINLAND                   DATE: 16 NOVEMBER 2006
 KALEVANKATU 6                     AGENT: 2401
 00100 HELSINKI                     NAME: MARDEGAN/ALBERTO MR(ADT)

 FROM /TO         FLIGHT CL DATE  DEP   FARE BASIS    NVB   NVA   BAG ST

 HELSINKI        LX 4791 V  20DEC 1010  VSWISSFI      20DEC 20DEC 20K OK
 TERMINAL:2         FLIGHT OPERATED BY:              BLUE1
 ZURICH                           ARRIVAL TIME: 1205

 ZURICH          LX 1662 V  20DEC 1250  VSWISSFI      20DEC 20DEC 20K OK
                    FLIGHT OPERATED BY:SWISS EUROPEAN AIR LINES
 VENICE MARCO PO                  ARRIVAL TIME: 1400


 VENICE MARCO PO LX 1661 V  26DEC 1045  VSWISSFI      26DEC 26DEC 20K OK
                    FLIGHT OPERATED BY:SWISS EUROPEAN AIR LINES
 ZURICH                           ARRIVAL TIME: 1200

 ZURICH          LX 4790 V  26DEC 1305  VSWISSFI      26DEC 26DEC 20K OK
                    FLIGHT OPERATED BY:              BLUE1
 HELSINKI                         ARRIVAL TIME: 1700
 TERMINAL:2

Inter un bug e un altere, io ha trovate le tempore pro comprar le billetos pro retornar in Italia in decembre, pro un septimana. Attende me, o popolo italico!

La guerra di Mario es un film italian ambientate in Napoli, que narra le historia de un infante "del strata" (Mario) qui es adoptate per un familia de bon stato social. Iste vespere io ha vidite iste film in compania de altere italianos e, contrarimente a mi expectationes, le film me ha placite. Forsan le motivation es justo le facto que io expectava nihil, e isto esseva plus que nihil. :-) Le film non esseva multo realistic, in mi opinion alicun aspectos esseva excessivemente emphatisate, supertoto le permissivitate del matre adoptive qui de facto concedeva toto lo que Mario demandava e perdonava tote su trasgressiones (e a vices los laudava!).

Il es natural que, al termino del film, on se demandava qual effecto iste projection poterea haber super le publico finnese: le mundo representate es le summa del basse criminalitate. Io non sape quanto isto corresponde al realitate de Napoli — io lassa a alteres iste comparation — ma in omne caso io non es minimemente preoccupate per lo que pensa le finneses: illes sape certamente que un film non es necessarimente fidel al realitate. Si io debeva judicar le Japon o le Corea del Sud basante mi opinion super le filmes que io ha vidite, io dicerea que ille locos es invivibile: violentia e follia sin limites! (io obviemente non me refere a filmes como Godzilla o Gamera, que es clarmente imaginari)

Pro exemplo, io invita totes a reguardar un de mi filmes preferite, Old Boy. :-)