I wish a happy new year to all my friends and my enemies! It's a pity, not being able to personally bring my wishes to everybody; but on the other hand, this can be considered a luck, since I've always had a certain dislike for the new year celebrations -- don't ask me to explain this, I don't know: I think it's an innate feeling. :-)

P.S. This year starts with +4 degrees, which appears to be a good sign.

Un augurio de bon anno nove a tote mi amicos e mi inimicos! Il es un pena que io non pote portar mi augurios personalmente a totes; ma del altere latere, isto pote esser considerate un fortuna, perque io ha un certe antipathia pro le festivitate del primo del anno -- non demanda me de explicar lo, io non sape: io crede que il es un sentimento innate. :-)

P.S. Le anno initia con +4 grados, lo que pare esser un bon signo.

Le retorno in Finlandia ha essite tranquille, a parte alicun problemas minor in le aeroporto: mi spuma de barba, que io portava in mi baggage a man, esseva sequestrate perque illo eccedeva le quantitate maxime admissibile. Isto es a causa del nove mesuras de securitate activate in le aeroportos del Union Europee, que previde que le quantitate de liquido presente in cata contenitor non pote superar le 100 centilitros (mi flacon esseva de 200cl). Benque io non comprende totalmente le senso de iste restriction, io es felice de haber contribuite al lucta al terrorismo. Le altere problema incontrate, es que quando io arrivava in mi appartamento io observava que mi valisa esseva rumpite; fortunatemente non in maniera tal que alicun cosa poteva exir, ma certemente le aqua pote entrar — e io debera considerar iste eventualitate, le proxime vice que io va utilisar le valisa. Le causa del ruptura non es certe, ma io suspecta que le responsabiles es le terroristas qui labora in le aeroportos.

Le dies sequente io ha retornate al labor in Nokia, cuje officios es inusualmente vacue: le major parte del empleatos es in vacantia, e le passos del presentes face echo in le corridor — especialmente illos de mi boss. Como consequentia de iste desertification io non recipe ulle signalation de problemas o requestas, lo que, juncte al facto que mi software es in un stadio stabile, implica que io es quasi disoccupate. Non a caso, io ha scribite iste message del labor, quando mi die laborative verte a su termino... De facto, isto es le ultime die laborative del anno 2006 e, cosa ancora plus importante, de hodie io pote esser certe que io es un empleato Nokia a tempore indeterminate: io esseva empleate le 28 de augusto, con un periodo de proba de quatro menses que ha expirate in gaudiose silentio! :-)

Salute, Italia! Post plus que tres menses e medie io ha retornate a mi terra native, ben que pro solmente pauc dies. Le viage de arrivata non esseva perfecte, perque le avion de Zürich a Venetia partiva con quasi un hora de retardo, sin que ulle motivation esseva explicate al viagiatores. Pro insister con le criticas, io adde que le aeroporto de Zürich es governate per un grande confusion, probabilemente causate per le facto que le Suissa non es un pais del Union Europee, e on debe passar le check-in de novo. Del viage sur le Alpes io ha salvate alicun photos perque le nubes esseva tanto dense que illos pareva un terreno coperite per nive, e le summitates del montanias plus alte esseva ancora visibile e ben se integrava in le panorama nivate.

Durante mi permanentia in Italia io passa le tempore a incontrar mi amicos e parentes, sin oblidar le ex-collegas de labor. Totes es felice de revider me (o illes finge ben), e io equalmente. In le mesme tempore anque Andrea e Loco (mi fratre e su sponsa) es in Italia, assi que le familia es complete.

In Venetia io ha visitate le exposition de arte "Loco", dedicate al talento de Loco; illo non es multo extense, ma le operas merita un visita anque per le personas qui non es familiar con iste typo de arte (alicun exemplos es in le Galleria del imagines). Va a visitar lo!

Le officio touristic de Helsinki ha publicate un brochure que es disponibile in plure linguas, includite le italiano. Pro vider le version italian, clicca hic! Postea, veni a visitar me! :-)