VDBmaster

Introduction

vdbmaster es un simple programma, publicate con licentia GPL, que ha le objectivo de facilitar le processo de masterisation de un DVD de filmatos.
Illo utilisa growisofs pro scriber le disco, e le base de datos de VideoDB) como referentia.

Usage

Le typic sequentia operative que on exeque con vdbmaster es:

  1. Decider qual filmatos masterisar: vdbmaster monstra le lista del filmatos catalogate in VideoDB que ancora non ha essite scribite, e permitte de selectionar un o plus de illos.
  2. Creation de un directory con le files a masterisar (symlinks, ligamines symbolic), que le usator pote modificar -- typicamente pro adder altere files non presente in VideoDB.
  3. Masterisation del DVD: growisofs (o un altere programma) es activate, e tote su output es visibile in vdbmaster.
  4. VideoDB es actualisate con le information del identificativo del disco que ha essite create: le filmatos nunc resulta colligate al DVD.
  5. Il es possibile eliminar del disco dur (hard disk) le filmatos registrate, pro ganiar spatio. Le programma es simple e facilemente modificabile pro adaptar lo a altere situationes.

Characteristicas

  • Scripte in Python, con le interfacie graphic Gtk+
  • Supporto unicode (vide le imagines)
  • Le commando a usar pro effectuar le masterisation pote esser varie; le predefinite es growisofs
  • Utilisa le base de datos de VideoDB pro presentar un selection del filmatos a masterisar; e lo actualisa al termino del masterisation
  • Supporto al internationalisation
  • Programma simple, breve e facilemente modificabile

Imagines

Alicun imagines de vdbmaster.

Pagina initial: selection del filmatos.

Le output del programma de mesterisation — interrumpibile!

Al fin del scriptura, on pote liberar spatio del disco dur, per eliminar le files masterisate.

Requisitos pro le installation

vdbmaster ha essite developpate e probate solmente in Linux, ma illo deberea functionar in un qualcunque computator que ha iste programmas installate:

  • Python 2.3 o successive
  • PyGtk 2.0 o successive
  • VideoDB

Discarga e proba vdbmaster

Pro discargar vdbmaster, clicca hic:

vdbmaster-1.0.tar.gz

Installation

Le programma es distribuite con le distutils de Python; pro plure informationes super le installation con distutils, vide le manual “Installing Python modules”. Ma le programma es tanto simple, que probabilemente iste notas essera sufficiente in le major parte del casos.
Decomprime le archivo e modifica le file vdbmaster.py (al capite del file, il ha alicun variabiles de configuration) e installa le script vdbmaster.py:


tar -xvzf vdbmaster-version.tar.gz

cd vdbmaster-version

...modifica le file vdbmaster.py...

python setup.py install

Le ultime linea es si tu vole usar distutils; alteremente, il suffice que tu copia le file vdbmaster.py in un directory listate in le PATH (i.e., /usr/bin).