Incredibile India!

Io ha retornate de un viage de quasi duo septimanas in India (Bangalore). Le destino ha volite que io passava un septimana in mi camera de hotel, malade, e consequentemente le reportage photographic super le viage es multo limitate. Le unic excursion al qual io poteva participar esseva al cascatas de Hogenakkal:
Nos prendeva un coracle, un del barcas rotunde que vos vide in le prime photo, e navigava sia in le parte basse sia in le parte alte del cascatas. Le aquas de Hogenakkal es considerate sacre e multe personas se baniava in illos — e obviemente, illes nos salutava.
Altere photos es in le galleria. Il ha alicun photos del citate de Bangalore, ma illos non rende ben le idea del traffico que regna in le stratas, e supertoto illos non pote replicar le sonos del cornos del automobiles, qui sonava quasi continuemente; ma pro isto, il ha bastante documentation in youtube.

Commentos

There's also webmention support.