Attende ancora un poco :-)

Io sape que vos attende que io actualisa le blog con le photos de mi viage in Japon. Infortunatemente io debe demandar ancora un poco de vostre patientia, perque in iste dies io ha plure altere cosas a facer, e post que le photos esseva prendite in conditiones non optimal illos require alicun elaboration.

Pro excusar me de isto, e pro distraher vos de eventual planos punitive, io vos offere le opportunitate de reviver nostre ascension al monte Tsukuba, per jocar con le tracia de nostre camminata, registrate (obviemente) con Maemo Mapper:

• Le ascension usque al sella inter le duo summitates
• Le ascension al summitate Nantai

Si io esseva sol, io haberea completate le cammino in un tempore multo plus parve, ma mi amata e supertoto mi fratre habeva un influentia negative super mi velocitate. ;-)