Experimento fallite

Non tutte le ciambelle escono col buco: iste expression popular italian significa que non tote le "Ciambellas" (i.e. le dulce photographate a latere) es create con lor foramine, a indicar que il ha sempre le possibilitate de un fallimento. In mi caso, le ciambella ha essite create con su foramine, ma, in accordo con le usual leges del statistica, le error es sempre presente, in un altere forma. Io non es un bon photographo ma si vos pensa que le colores del photo a latere es errate, ben, lassa me dicer que illos es correcte: le ciambella es vermente obscur, e le odor es un pauco simile a illo de un combustion. Totevia, le maculas clar (ubi le exterior remaneva attachate al olla) demonstra que le interior non es toto obscur, e forsan illo es mangiabile — con un pauco de bon voluntate. Ma perque io publica iste photo? Ben, le motivation es que isto es le prime "dulce" que io proba a crear, e voleva documentar le evenimento. Si vos vole, vos pote inviar me un e-mail pro prenotar mi proxime producto culinari, ma io non da ulle garantia super su commestibilitate (e non explosivitate).

Comments

There's also webmention support.