Europa e Islam

Alberto Mardegan — Sat, 29 Oct 2016 08:51:00 GMT

(iste articulo es scripte in interlingua, le lingua auxiliar international)

Hodie io legeva un articulo in le sito de Reuters, qui me faceva pensar un poco:

Io recommenda que vos lo lege integremente (clicca ci pro vader al articulo); si vos non comprende le anglese, io va synthetisar lo multo brevemente. Alicun refugiatos de Syria trova que le moscheas in Germania es troppo conservative: illos insenia un Islam multo radical, con un interpretation multo litteral del Corano, simile a illo que veni inseniate in le Wahabismo o Salafismo.

Io es convincite que Europa debe esser tolerante de tote religiones que es compatibile con nostre leges. Refugiatos qui arriva a Europa es sovente le victimas de nostre guerras o disfrutamento economic, e nos ha le responsabilitate de offerer les un compensation. Si nos ha destruite lor casa in lor pais, nos debe offerer les un altere casa. E nos debe permitter a illes de professar lor religion.

Le construction de Moscheas in Europa es un cosa que io reguarda positivemente, ma nos non pote abandonar le musulmanos a se mesme. Nos debe laborar con illes e assecurar nos que le Islam que es inseniate in nostre moscheas es compatibile e respectose de nostre valores. Certemente, un interpretation litteral del Corano, qui promove le Jihad (guerra sancte), non es compatibile con nostre leges.

Alicuno poterea pensar que le solution al problema es simplemente prohiber le construction de nove moscheas, ma isto portarea a un resultato totalmente opposite, como jam ha essite verificate in Italia (e io crede, in multe altere partes de Europa): le communitates islamic devenirea ancora plus isolate e impossibile a controlar; le inseniamento del Islam poterea prender formas ancora plus radical.

Europa necessita Moscheas aperite.

Mardy (Articoli su Islam)

Europa e Islam