Mardy

Ultime novas

Istos es le titulos del ultime novas; pro haber selection plus complete, vide tote le novas.

• 2006-08-12 18:39 - Version 0.3
• 2006-08-12 18:35 - Publicate le version 0.2

Introduction

Eligante (o e-ligante) es un archivator e consultator de messages, publicate con licentia GPL (libere) e developpate con le linguage de programmation Python.

Eligante offere principalmente iste functiones:

1. Accesso a un fonte de messages, captura del messages presente e memorisation de illos in un servitor SQL.
2. Si un persona ha messages in plus que un fonte, on pote unificar lo in un identitate unic.
3. Consultation del messages in le archivo SQL.

Le prime puncto es realisate con un serie de modulos, o motores, que prende le messages del fonte originari (sitos web, recordos de chat, archivos de e-mail...) e los scribe in un base de datos (actualmente MySQL).

Le secunde puncto permitte le creation de un identitate que liga tote le varie identitates de un personas presente in le modulos; per exemplo, si uno ha contactos con Marco sia per e-mail sia per chat IRC, ille creara un identitate Marco que es le fusion de Marco-e-mail e Marco-IRC.

Le tertie puncto es implementate como un interfacie web contruite con CGI. Iste interfacia comprende functiones de recerca (in le archivos del messages e in los del personas), e permitte de exequer le prime duo activitates. Ergo, tote le systema es controlabile per medio de un navigator internet.

Characteristicas

• Plure modulos pro le captura del messages:
• Posta in formato mbox
• Conversationes de chat IRC (probate con irssi)
• Conversationes de gAIM (ergo ICQ, MSN Messenger, Yahoo! Messenger, Jabber,...)
• Le sito de amicitias hi5.com
• Plure sitos bulgare: elmaz.com, flirt4e.com, sreshta.bg e alteres
• Altere modulos pote esser construite facilemente (io plana de adder posta in formato MH, le sito orkut, skype e alteres)
• Interfacie unificate pro omne messages
• Functiones avantiate de recerca: in le nomine del personas, in le subjecto e in le corpore del messages. Il es possibile, pro exemplo, trovar tote le messages in le quales on ha conversate super "Linux".
• Supporto unicode
• Supporto al internationalisation: tote le texto del interfacie web pote esser traducite in un altere lingua
• Configuration centralisate: tote le configuration reside in un archivo unic, in formato ini (texto pur)
• Integration con le programma The address book, un rubrica electronic developpate in PHP.

Historia

Eligante es un projecto initiate in le primavera del 2005, pro solver un mi exigentia personal: io conversava con plure personas per medios differente (supertoto per sitos web) e in un tal situation le risco de oblidar de responder a un message es multo grande. In ultra, io non rememorava qual cosas io diceva a un persona, e qual cosa a un altere; pro isto, io necessitava un systema pro consultar rapidemente tote le correspondentia que io habeva con un persona, independentemente del systema de conversation.

Initialmente eligante esseva solmente un serie de scriptes disordinate; ma al fin, io ha decidite de publicar los, e los ha restructurate in un maniera plus mantenibile e efficiente. Io ha addite functiones pro le internationalisation, e un simple graphica; ma il ha ancora multo a facer, e io spera que io succedera in trovar collaboratores interessate.

Imagines

Le graphica de eligante es extrememente essential, e isto es lo que suffice a me. Ma quicunque volera apportar melioramentos al aspecto de eligante essera benvenite.

Le lista del personas e-ligate	Le function de recerca	Le creation de un nove persona: de cata modulo, on pote seliger un o plus identitates
Le function pro prender nove messages	Functiones de eligante integrate in The Address Book

Requisitos pro le installation

eligante ha essite developpate e probate solmente in Linux, ma illo deberea functionar in un qualcunque computator que ha iste programmas installate:

• Python 2.3 o successive
• Mysql (preferibilemente version 4.0 o successive)
• Le servitor web Apache con le supporto al execution de CGI
• (optional) The Address Book

Discarga e proba Eligante

Probar eligante non essera facile! Io ancora non ha grande experientia con le distutils de Python, e con le distribution de software in general. Si vos incontra problemas in le installation, per favor contacta me.
Vostre feedback es necessari pro le amelioramento de eligante!

Pro discargar eligante, clicca hic:

Selige le ultime version del sito sourceforge.net

Si tu ama le risco, tu pote probar le version CVS. Ma nota que iste version es sempre in developpamento, ergo il es extrememente probabile que nihil functiona.

Installation

Decomprime le archivo e seque le instructiones del file INSTALL.txt:

tar -xvzf eligante-<version>.tar.gz

cd eligante-0.1

more INSTALL.txt

Partecipa!

Le projecto eligante es registrate in le sito sourceforge.net. Si tu es interessate a participar al evolution de eligante, o simplemente tu es curiose de apprender plus, io te invita a subscriber te a un del mailing-lists disponibile.